Almaty oblysynda qudyqtan 3 adamnyń máıiti tabyldy

QONAEV. KAZINFORM - Almaty oblysy Kegen aýdanynda qudyqtan 3 adamnyń óli denesi tabyldy. Oqıǵa ornynan túsirilgen beınejazbalar áleýmettik jelide tarady. Oblystyq Polıtsııa departamenti bul derekti rastady.

Beınejazbada adamdardyń máıiti tabylǵan qudyq kórsetiledi jáne qaıtys bolǵandardyń arasynda 15 jastaǵy jasóspirim bar ekeni aıtylady.

Almaty oblysynyń Polıtsııa departamenti atalǵan jaǵdaı boıynsha sot-medıtsınalyq saraptama taǵaıyndalǵanyn habarlady.

«Bul derek Kegen aýdanynyń polıtsııasynda tirkeldi. Qaıtys bolǵan adamdardyń deneleri máıithanaǵa jiberildi, sot-medıtsınalyq saraptama taǵaıyndaldy», - dep habarlady PD baspasóz qyzmeti.

Eske salaıyq, Almatyda kópqabatty úıden qulaǵan eki jasóspirim kóz jumdy.