Almaty oblysynda kitaphana 1 mln turatyn kitapty 14 mln teńgege satyp almaq bolǵan

Almaty oblysy sybaılas jemqorlyqqa qarsy qyzmetiniń eriktileri memlekettik satyp alý portalyn monıtorıngteý barysynda baǵany 18,5 mln teńgege kóterý faktisin anyqtady, dep habarlaıdy Kazinform.

Vedomstvo málimetinshe, Іle aýdandyq kitaphanasy 14 mln teńgege bir kitap jınaǵyn jáne 6 mln teńgege kitap oqýǵa arnalǵan kompıýterlik qurylǵy satyp almaq bolǵan.

Alaıda eriktiler kitap jınaǵynyń ortasha baǵasy - 1,1 mln teńge, al kitap oqýǵa arnalǵan kompıýterlik qurylǵynyń baǵasy 360,9 myń teńge turatynyn anyqtady.

Bul rette aýdandyq kitaphana baǵany 18,5 mln teńgege kóterdi.

Osyǵan baılanysty eriktiler Іle aýdanynyń mádenıet bólimine baǵany qaıta qaraý jóninde usynys jiberdi.

Nátıjesinde konkýrs ótpeıtin boldy, bólingen 20 mln teńge bıýdjetke qaıtaryldy.