Almaty oblysynda kisi bopsalap, kóligin tartyp alǵandar ustaldy

QONAEV. KAZINFORM — Almaty oblysynda bopsalaý jáne qaraqshylyq shabýyl jasady degen kúdikpen bir top adam qamaýǵa alyndy.

Almat oblysy polıtsııa departamentiniń málimetinshe, 16-synan 17 sáýirge qaraǵan túni Talǵar aýdanynda kúdiktiler aldyn ala josparlanǵan shema boıynsha 28 jastaǵy azamatty adamdar az júretin jerge aldap shaqyrǵan. Keıin olar pyshaqpen qorqytyp, kúsh qoldaný arqyly jábirlenýshige dene jaraqatyn keltirip, ony taýly aımaqqa kúshtep alyp ketken.

Qaskóıler jábirlenýshini quqyq qorǵaý organdaryna onyń tarapynan zańsyz áreketter jasaldy degen jalǵan aqparat taratamyz dep qorqytyp, 10 mıllıon teńge talap etken. Sondaı-aq quny shamamen 17 mıllıon teńge bolatyn avtokóligin kepil retinde alyp qoıǵan.

— Kúdiktiler ýaqytsha ustaý ızolıatoryna qamaldy. Qazirgi ýaqytta sotqa deıingi tergep-tekserý amaldary júrgizilip jatyr. Oqıǵanyń barlyq mán-jaıy anyqtalady, sondaı-aq ustalǵandardyń ózge de osy tektes qylmystarǵa qatystylyǵy tekseriledi, — dedi oblystyq polıtsııa bastyǵy Meıram Ábikeev.

Eske salaıyq, Shymkentte bloger ári jýrnalıst bopsalaý isi boıynsha 5 jylǵa sottaldy.