Almaty oblysynda Kóshpendiler qalasyna deıin jańa jol salyndy
QONAEV. KAZINFORM — Іle ózeniniń jaǵalaýynda ornalasqan Kóshpendiler qalasyna baratyn jol jeńildeıdi.
Nysan 2005 jyly kórermenge jol tartqan «Kóshpendiler» fılmin túsirý úshin arnaıy salynǵan. Qalashyq Іle ózeniniń jaǵasynda, Qapshaǵaı qalasynan 30 shaqyrymdaı jerde ornalasqan. Aýmaǵy — 5,8 gektar.
Al Alatau visit ortalyǵynyń ókili Farıza Sıhymbaeva týrıstik nysanǵa deıin uzyndyǵy 6,9 shaqyrym bolatyn jol ýchaskesiniń qurylysy aıaqtalyp, qoldanysqa berilgenin aıtty.
Sonymen qatar ol byltyr oblys ákimdiginiń qaramaǵyna ótken qalashyq aldaǵy ýaqytta jańǵyrtýdan ótetinin atap ótti.
— Bul keshenge qazir jańadan jol salynyp, onyń boıy jaryqtandyryldy. Munda keletin týrıster aǵynyn kóbeıtý maqsatynda nysandy tolyq jóndeý júrgizý josparlanyp otyr. Týrıster úshin barlyq jaǵdaı jasalady, — dedi ol.
Ótken aıda memlekettik satyp alý saıtynda Kóshpendiler qalasyn jańǵyrtý úshin onyń jobalaý-smetalyq qujattamasyn ázirleýge baıqaý jarııalanǵan. Alaıda ol ótpeı qaldy. Lot 2026 jyly qaıta jarııalanady dep kútiledi.
Eske salaıyq, 2025 jyly Sh. Aımanov atyndaǵy «Qazaqfılm» Ulttyq kınostýdııasy ıelik etken Kóshpendiler qalashyǵy Qonaev qalasynyń menshigine berildi.