Almaty oblysynda Kóshpendiler qalasy tóńireginen 65 tonna qoqys shyǵaryldy
QONAEV. KAZINFORM - Qonaev qalasynyń turǵyndary «Taza Qazaqstan» baǵdarlamasynyń aıasynda «Tamǵaly tas» tarıhı aımaǵy men «Kóshpendiler qalasynyń» tóńiregine senbilikke shyqty. Sharaǵa 150-den astam adam qatysty, 5 tehnıka jumyldyryldy.
- «Taza Qazaqstan» baǵdarlamasy jyl basynan jalǵasyp keledi. Barlyq senbilikke atsalysyp júrmiz. Munda baıqaǵanymyzdaı, stıhııalyq qoqys oryndary da kóp eken. Halyqtan balyq aýlap, tabıǵat aıasynda demalǵan soń, qatty turmystyq qaldyqtaryn tastap ketpeýdi suraımyz. Mádenıet - ózimizden bastalady, - dedi qala turǵyny.
Jalpy senbilik nátıjesinde 60 tonna qoqys shyǵaryldy. Onyń barlyǵy polıgonǵa jetkizildi.
Eske salaıyq, buǵan deıin kóriktendirý tólqujatyna qaraı Almatyda ǵımarat ıeleri tazalyqqa jaýapty bolatynyn jazǵanbyz.
