Almaty oblysynda kóshkin qaýpi bar 55 ýchaske bar
QONAEV. KAZINFORM — Almaty oblysynyń Tótenshe jaǵdaılar departamenti oblystyń kóshkin qaýpi bar 55 ýchaskesine aerovızýaldy tekserý júrgizilgenin habarlady.
Atap aıtqanda, óńirdegi kóshkin qaýpi bar ýchaskelerdi zertteý maqsatynda Uzynqarǵaly, Shamalǵan, Qaskeleń, Aqsaı, Qarǵaly, Úlken jáne Kishi Almaty ózenderiniń basseınderi, Talǵar, Esik, Túrgen, Іle Alataý jotasy boıynsha aerovızýaldy tekserý júrgizildi.
— Qaıǵyly jaǵdaılardyń qaýpin azaıtý maqsatynda ózender men avtojol arnalarynyń qaýipti ýchaskelerinde 16 aqparattyq qalqan men eskertý belgileri ornatyldy, — dep habarlady oblystyq TJD baspasóz qyzmeti.
Tótenshe jaǵdaılar departamentiniń málimetinshe, kóshkin qaýpi bar kezeńde 11 adamnan turatyn jedel shtab qurylyp, bekitilgen. Sondaı-aq, 12 adamnan turatyn avarııalyq-mehanıkalandyrylǵan brıgadanyń quramy men 7 birlik arnaıy jáne 4 birlik jedel mobıldi tehnıka jasaqtalǵan. Qazirgi ýaqytta oblystyń taýly aýdandarynda jaǵdaı turaqty.
Eske salaıyq, buǵan deıin Aqsaıda turǵyn úıdegi órt saldarynan 2 bala, 1 áıel jansaqtaý bólimine jatqyzylǵanyn jazǵanbyz.
