Almaty oblysynda kóshi-qon zańnamasyn buzǵan 100-den astam sheteldik ustaldy
QONAEV. KAZINFORM – Almaty oblysynyń polıtsııa qyzmetkerleri kóshi-qon zańnamasyn buzý faktilerin anyqtaýǵa baǵyttalǵan reıdtik is-shara júrgizdi.
– Qarasaı aýdanynyń aýmaǵynda ornalasqan úsh kirpish zaýyty men «Altyn Orda» saýda-logıstıkalyq ortalyǵy tekserildi. Nátıjesinde QR kóshi-qon salasyndaǵy zańnamany buzǵany úshin 175 shetel azamaty jaýapkershilikke tartylyp, onyń ishinde jeke basyn kýálandyratyn qujattary joq bolǵandyqtan 95 adam qabyldaý-taratý ornyna jetkizildi, – dedi oblystyq kóshi-qon qyzmeti basqarmasynyń bastyǵy Rústem Jarykbasov.
Polıtsııa málimetine sáıkes, sheteldik azamattardyń kópshiligi Qazaqstanǵa jumys isteý úshin keledi. Biraq basym kópshiligi kóshi-qon zańnamasynyń talaptaryn saqtaı bermeıdi.
– Otandastarymyzdyń tarapynan qabyldaýshy tulǵalar kóshi-qon qyzmetine sheteldiktiń kelgeni týraly habarlaýǵa mindetti ekenin eske salamyz. Bul habarlama mindetti túrde shetel azamaty kelgen kúnnen bastap úsh jumys kúni ishinde beriledi. Kórsetilgen merzimdi ótkizip alǵan jáne ımmıgranttyń bolýy týraly Іshki ister organdaryna habarlamaǵan jaǵdaıda, Qazaqstanda qabyldaýshy Jeke jáne zańdy tulǵa 518-bap boıynsha, al zańdy buzǵan sheteldikter Qazaqstan Respýblıkasynyń Ákimshilik quqyq buzýshylyq týraly Kodeksiniń 517-baby boıynsha jaýapqa tartylatynyn eskertemin. Jeke jáne zańdy tulǵalar ımmıgranttyń kelgeni týraly tikeleı «e-Qonaq» elektrondyq vızalyq-kóshi-qon portaly arqyly habarlaı alady, – dedi Rústem Jarykbasov.
Eske salaıyq, buǵan deıin Almatyda zańsyz kýrer bolyp júrgen bir top sheteldik eline qaıtarylǵanyn jazǵan edik.
