Almaty oblysynda kópqabatty úı órtenip, 25 adam evakýatsııalandy

TJM málimetinshe, 112 pýltine Іrgeli aýylyndaǵy 9 qabatty turǵyn úıdiń 9-qabatynda ornalasqan eki kórshiles eki bólmeli páterde órt shyqqany týraly habarlama túsken.

Qutqarýshylar baspaldaq arqyly 25 adamdy evakýatsııalady. Olardyń ishinde 7 bala bar. Sonymen qatar 20 adam óz betinshe syrtqa shyqqan, olardyń 5-eýi – balalar.

– Órt sóndirý bólimsheleri joǵarylatylǵan shaqyrý nómiri boıynsha jumys istedi. Órttiń ózge páterlerge taralýyna jol berilgen joq, – delingen habarlamada.

Aldyn ala málimet boıynsha, oqıǵa saldarynan qaza tapqandar men zardap shekkender joq.

Órttiń shyǵý sebebi anyqtalyp jatyr.

Aıta keteıik, buǵan deıin elordada kópqabatty turǵyn úıde órt shyqqany habarlandy.