Almaty oblysynda kópbalaly ana sot arqyly turǵyn úı kezegine qaıta turdy
ALMATY. KAZINFORM — Almaty oblysynyń mamandyrylǵan aýdanaralyq ákimshilik soty turǵyn úı kezeginen shyǵarylǵan kópbalaly anaǵa qatysty isti qarady.
Eńbekshiqazaq aýdanynyń turǵyny 2021 jyly «kópbalaly otbasy» sanaty boıynsha turǵyn úı alýǵa kezekke turǵan. Alaıda, turǵyn úı kezeginen shyǵarylǵan. Sol sebepti kópbalaly ana aýdandyq turǵyn úı-kommýnaldyq sharýashylyq jáne turǵyn úı ınspektsııasy bóliminiń ústinen sotqa shaǵym túsirýge májbúr boldy.
— Іs medıatsııa rásimi arqyly beıbit jolmen sheshildi. Kelissózder barysynda taraptar kelisimge keldi. Jaýapker 15 jumys kúni ishinde «kópbalaly otbasy» sanaty boıynsha turǵyn úı alýǵa burynǵy kezekke qaıtarýǵa mindetteme aldy,— dep habarlady Almaty oblysy MAÁS baspasóz qyzmeti.
Eske salaıyq, byltyr elordanyń ákimshilik soty 100 mlrd teńge kóleminde ınvestorlardyń quqyǵyn qorǵap qaldy.