Almaty oblysynda konservilengen balyq ónimderiniń óndirisi iske qosylady
ASTANA. KAZINFORM – 2025 jyly Almaty oblysynda balyq ónimderin qaıta óńdeý jobasyn iske asyrý bastalady. Jobanyń ınvestory taılandtyq Sea Value Plc. kompanııasy. Bul týraly QR AShM baspasóz qyzmeti málim etti.
«Shıkizatty qazaqstandyq jáne reseılik balyq sharýashylyqtary jetkizedi dep josparlanǵan. Óndiris qýattylyǵy kúnine 3-5 tonna balyq ónimin quraıdy. Daıyn ónim Taılandqa jáne basqa elderge eksporttalady», — delingen aqparatta.
Aldaǵy ýaqytta kompanııa QR aýmaǵynda óndiriletin ónim jelisin keńeıtýdi josparlap otyr, sonyń ishinde úı janýarlaryna arnalǵan azyq-túlikti, taýyq aqýyzyn, taýyqtan, balyqtan jasalǵan muzdatylǵan jartylaı fabrıkattardy, piste jáne badam sútin jáne t. b.
Sondaı-aq, kompanııa qazaqstandyq dıstrıbıýtormen seriktestikte Almaty oblysynda óńirlik logıstıkalyq hab qurý boıynsha jumys isteýde. Hab kompanııa ónimderin EAEO jáne Ortalyq Azııa naryqtaryna ımporttaýǵa, saqtaýǵa jáne taratýǵa arnalǵan.
Aıta ketsek, Sea Value Plc. Taılandtaǵy ekinshi iri konservilengen týnets óndirýshisi bolyp tabylady jáne óz ónimderin álemniń 150 eline eksporttaıdy.
