Almaty oblysynda kólikpen soqtyǵysyp, keıin jaıaý júrginshilerdi basqan júrgizýshi ustaldy
QONAEV. KAZINFORM – Almaty oblysynda bolǵan jol apatynyń beınejazbasy áleýmettik jelide tarady.
Vıdeodan Honda markaly kóliktiń Toıota markaly kólikpen soqtyǵysyp, jol jıegine shyǵyp, onda ketip bara jatqan jasóspirimderdi basyp ótkenin kórýge bolady. Jelide oqıǵa Almaty oblysy Kóksaı aýylynda bolǵan aıtylǵan.
Almaty oblysynyń polıtsııa departamenti bul derek boıynsha qylmystyq is qozǵalǵanyn habarlady. Júrgizýshi ustalyp, ýaqytsha ustaý ızolıatoryna qamalǵan.
— Qazirgi ýaqytta sotqa deıingi tergep-tekserý júrgizilip jatyr. Oqıǵanyń mán-jaıyn tolyq, jan-jaqty ári obektıvti anyqtaýǵa jáne zańnama talaptaryna sáıkes túpkilikti protsestik sheshim qabyldaýǵa baǵyttalǵan barlyq qajetti sharalar qabyldandy, — dep habarlady departamentten.
Sondaı-aq jelidegi júrgizýshiniń oqıǵany ornyna ketip qalǵan týraly aqparat rastalǵan joq. Al onyń masań kúıde bolǵany ne bolmaǵany júrgizilgen ekspertıza nátıjesine baılanysty beligi bolmaq.
Eske salaıyq, buǵan deıin Almaty oblysynda kortej qatysýshylaryna 600 dollar usynǵan jigit qamaldy.
