Almaty oblysynda kólikpen adamdardy ádeıi basyp ketken kúdiktiler ustaldy

QONAEV. KAZINFORM — Almaty oblysynda jas jigitti kólik basyp ketti. 

Oqınanyń beınejazbasy áleýmettik jelide tarady. Odan bir top adamnyń kólikten túsip, janjalǵa daıyndalyp turǵanyn kórýge bolady. Aldymen, bir kólik osy toptaǵy bir adamdy qaǵyp ótedi, keıin ekinshi kólikte olardyń baǵytynda júrip ótedi.

Almaty oblysynyń polıtsııa departamenti bul derek boıynsha qylmystyq is qozǵalyp, sotqa deıingi tergeý júrgizilip jatqanyn habarlady.

— Polıtseıler «izin sýytpaı» eki kúdiktini ustady jáne ýaqytsha ustaý ızolıatoryna qamady. Qazirgi ýaqytta oqıǵanyń barlyq mán-jaıyn jan-jaqty ári obektıvti anyqtaýǵa baǵyttalǵan tergeý sharalary kesheni júrgizilip jatyr, — dep habarlady polıtsııadan.

Eske salaıyq, buǵan deıin Qazaqstan men Qyrǵyzstan shekarasynda 30 bas jylqy urlaǵan barymtashylar ustaldy.