Almaty oblysynda kólik qozǵalysyna shekteý qoıyldy

ASTANA. KAZINFORM — Almaty oblysynda Tuzdybastaý aýylynan Besqaınar aýylyna deıin jol jabyldy, dep habarlaıdy «QazAvtoJol» UK baspasóz qyzmeti.

— 2025 jylǵy 3 naýryzda saǵat 18:30–da aýa raıynyń buzylýyna baılanysty «Almataý týrbazasyna kireberis» avtojolynyń 0-15 shaqyrym aralyǵynda (Tuzdybastaý aýylynan Besqaınar aýylyna deıin) júk jáne qoǵamdyq kólikterdiń qozǵalysyna shekteý qoıylady, — delingen habarlamada.

Joldy 2025 jylǵy 4 naýryz saǵat 12:00–de ashý josparlanǵan. 

Aıta keteıik, 1403 baılanys ortalyǵyna habarlasyp, táýlik boıy jolǵa qatysty qosymsha aqparat alýǵa bolady. 

Osyǵan deıin aýa raıynyń buzylýyna baılanysty eki oblystaǵy respýblıkalyq joldar jabylǵany aıtyldy.