Almaty oblysynda kólik qaǵyp ketken oqýshylardyń qazirgi jaǵdaıy belgili boldy

Almaty oblysynyń densaýlyq saqtaý basqarmasy Narynqol aýylynda kólik qaǵyp ketken mektep oqýshylarynyń jaǵdaıy týraly aıtty, habarlaıdy QazAqparat tilshisi.

Basqarma málimetinshe, 21 qyrkúıek kúni jol apatynan zardap shekken 6 oqýshy Narynqol aýylynan Raıymbek ortalyq aýdandyq aýrýhanasyna jetkizildi.

«Qazir aýrýhananyń jansaqtaý bóliminde úsh bala jatyr. Jaǵdaılary turaqty, aýyr. Búgin, 22 qyrkúıekte eki bala Almaty oblystyq balalar klınıkalyq aýrýhanasyna aýystyryldy. Bir bala medıtsınalyq tekserýden ótkennen keıin ambýlatorlyq emdeýge jiberildi», - dep habarlady vedomstvonyń baspasóz qyzmeti.

Buǵan deıin Almaty oblysy Narynqol aýylynda «Subaru» kóligin tizgindegen 15 jastaǵy jasóspirim alty oqýshyny qaǵyp ketkeni týraly jazǵan bolatynbyz.