Almaty oblysynda kólik aıaldamaǵa soǵylyp, eki adam qaza tapty
ALMATY. KAZINFORM — Almaty oblysynda júrgizýshi kólik tizginine ıe bola almaı, avtobýs aıaldamasyna soǵyldy.
Almaty oblystyq Polıtsııa departamentinen málim etkendeı, jol apaty 13 maýsym kúni Ótegen batyr aýylynda boldy.
– Іle aýdany, Ótegen batyr aýyly Jansúgirov kóshesiniń boıymen kele jatqan BMW-323 avtokóliginiń júrgizýshisi rýldi basqara almaı, aıaldamaǵa soǵyldy. Saldarynan kólikte otyrǵan jolaýshylardyń biri oqıǵa ornynda kóz jumdy, - dep habarlady vedomstvodan.
Al, júrgizýshi men taǵy bir jolaýshy shuǵyl aýrýhanaǵa jetkizildi. Ókinishke qaraı, kólik tizgindegen adam esin jımastan, jansaqtaý bóliminde qaıtys boldy.
Buǵan deıin Almaty oblysynda jasóspirim basqarǵan kólik aǵashqa soqtyǵysyp, 3 oqýshy mert bolǵan edi.
Osyǵan deıin Almaty-Bishkek tas jolyndaǵy apattan tórt adam mert bolǵany týraly jazǵanbyz.