22:27, 29 Qazan 2024 | GMT +6
Almaty oblysynda kólik aǵashqa soǵylyp, bir adam mert boldy
QONAEV. KAZINFORM – Almaty oblysynda Lada Largus kóligi aǵashqa soǵylyp,bir adam mert boldy.
Almaty oblystyq Polıtsııa departamentiniń dereginshe, jol apaty 28 qazan kúni Eńbekshiqazaq aýdany Aqtoǵaı aýylynyń mańyndaǵy Almaty – Kókpek – Kóktal avtojolynyń 51-shi shaqyrymynda bolǵan.
«Lada Largus» júrgizýshisi róldi basqara almaı, aǵashqa soǵyldy. Jol apaty saldarynan 40 jastaǵy jolaýshy áıel sol jerde kóz jumdy. Júrgizýshi men eki jolaýshy ártúrli dene jaraqattarymen jaqyn mańdaǵy aýrýhanaǵa jetkizildi»,- dep habarlady polıtsııadan.
Tártip saqshylary júrgizýshilerdi jol qaýipsizdigi talaptaryn buzbaýǵa jáne jol erejelerin qatań saqtaýǵa shaqyrdy.
Osyǵan deıin Almaty oblysynda on tórtinshi esirtki zerthanasy joıylǵany týraly jazǵan edik.
