Almaty oblysynda qolaısyz aýa raıyna baılanysty avtojoldar jabyldy
QONAEV. KAZINFORM – Almaty oblysynda aýa raıynyń kúrt nasharlaýyna baılanysty birqatar baǵyttarda kólik qozǵalysyna shekteý engizildi, dep habarlaıdy oblystyq TJD.
- 11 jeltoqsan kúni saǵat 17:40-ta «Astana – Qaraǵandy – Almaty» avtojolynyń 2295-2380 shaqyrymdary aralyǵynda (Qansheńgel aýylynan Kúrti aýylyna deıin) barlyq kólik túriniń qozǵalysy toqtatyldy. Joldy 12 jeltoqsan kúni saǵat 07:00-de qaıta ashý josparlanyp otyr, - delingen QazAvtoJol taratqan aqparatta.
Sonymen qatar, saǵat 18:00-de «Qonaev – Kúrti» avtojolynyń 0-67 shaqyrymdary aralyǵynda da kóliktiń barlyq túrine qozǵalysqa shekteý qoıyldy.
Bul baǵyt ta 12 jeltoqsanda saǵat 07:00-de ashylady dep kútiledi.
Táýlik boıy qosymsha aqparat alý úshin 1403 baılanys ortalyǵyna habarlasýǵa bolady.
Aıta keteıik, búgin Abaı oblysynda 13 jeńil jáne 25 júk kóligi jolda qalyp qoıǵany habarlandy.
