Almaty oblysynda kóktemde jóndelgen jol oıylyp qaldy
QONAEV. KAZINFORM - Almaty oblysynda bıyl sáýir aıynda jóndeý júrgizilgen jol júk tasymalynyń kesirinen qaıta búlingen.
«Uzynaǵash – Kúrti» oblystyq tas joly Jambyl aýdany Qarǵaly aýylyndaǵy karerden respýblıkalyq mańyzy bar Býrylbaıtal – Kúrti avtojolynyń qurylysyna qajetti qurylys materıaldaryn tasymaldaý úshin qoldanylady. Atalǵan jolǵa sáýir aıynda jóndeý jumystary júrgizilgen. Alaıda júk kólikteriniń ruqsat etilgen salmaqtan asyra júktelýi saldarynan jol jamylǵysy búlingen.
Osy sebepti Almaty oblysynyń ákimdigi Kólik mınıstrliginiń Avtomobıl joldary komıteti men merdiger KLV Insaat kompanııasyna joldy qalpyna keltirý jóninde talappen úndeý joldaǵan.
- Qazirgi ýaqytta merdiger «KLV Insaat» kásiporny shuńqyrlardy ýaqytsha jóndeý jumystaryn júrgizdi. 2025 jyly Býrylbaıtal – Kúrti avtojolyn qalpyna keltirý aıaqtalǵannan keıin Uzynaǵash – Kúrti jolyna aǵymdaǵy jóndeý jumystaryn júrgizý josparlanǵan, - dep habarlady ákimdikten.
Eske salaıyq, buǵan deıin Semeıdegi kólik keptelisi máselesin sheshý úshin qaladaǵy joldar keńeıtiletinin jazǵanbyz.
