Almaty oblysynda kókónis pen jemisterdi óńdeıtin zaýyttyń qurylysy bastaldy

ALMATY. KAZINFORM – Óńirde kókónis pen jemisterdi tereń óńdeýge arnalǵan zamanaýı zaýyt salý boıynsha jańa ınvestıtsııalyq joba iske qosyldy. Bul týraly Aýyl sharýashylyǵy mınıstrliginiń baspasóz qyzmeti habarlady. 

Jobanyń bastamashysy – qazaqstandyq «Qazaq Global Food JV» JShS.

Joba aıasynda kókónis pen jemisterdi óńdeý salasyndaǵy Túrkııanyń eń iri kompanııalarynyń biri – Göknur Gıda kompanııasymen Off-take kelisimsharty jasaldy. Seriktes kásiporynnyń alma shyryny kontsentratyn jáne basqa da ónimderin eksporttaý boıynsha strategııalyq operator qyzmetin atqarady. Bul kelisim uzaq merzimdi kepildi ótkizý naryǵyn qamtamasyz etip, qazaqstandyq ónimniń shetel naryqtaryna shyǵýyna keń múmkindikter ashady. 

Óńdeý qýattaryn damytý júıeli áserge de ıe: jańa zaýyt básekege qabiletti naryqtyń qalyptasýyna, azyq-túlik qaýipsizdigin nyǵaıtýǵa jáne el ishinde joǵary qosylǵan qunǵa ıe ónim óndirýge yqpal etedi.

Jobanyń jalpy quny – 9,5 mlrd teńge.

Eske sala keteıik, buǵan deıin kókónis qoımasyn salýshylarǵa memleket qandaı qoldaý kórsetetinin jazǵan edik.