Almaty oblysynda qoqys polıgonyndaǵy órt oqshaýlandy
ASTANA. KAZINFORM — Qarasaı aýdanyndaǵy Іrgeli aýyldyq okrýgi, Kóksaı aýylynyń mańyndaǵy zańsyz qoqys polıgonynda qoqys janǵan, dep habarlaıdy TJM baspasóz qyzmeti.
— Órt aýmaǵy 400 sharshy metrdi qurady. Órt oqshaýlandy. Oqıǵa ornynda úzdiksiz sý berý uıymdastyrylyp, arnaıy tehnıkanyń kómegimen aýmaqty qalpyna keltirý jáne órt oshaqtaryn topyraqpen kómý jumystary júrgizilip jatyr, — delingen habarlamada.
Vedomstvo málimetinshe, qazir órtti tolyq sóndirý jumystary jalǵasyp jatyr.
Osydan buryn Aqtóbede qoqys polıgonynan órt shyqqanyn jazǵanbyz.
