Almaty oblysynda qoqys polıgony órtenip jatyr
ALMATY. KAZINFORM — Almaty oblysy Talǵar aýdanynda, Báıterek aýylynyń mańyndaǵy ıesiz karer aýmaǵynda qatty turmystyq qaldyqtardyń ruqsat etilmegen polıgonynda qoqys órtendi.
Oqıǵa ornynda órt sóndirý shtaby qurylyp, sýdyń úzdiksiz berilýi qamtamasyz etildi. Órtti sóndirý jumystary eki lafettik oqpannyń kómegimen júrgizilip jatyr.
Tótenshe jaǵdaılar mınıstrligi málimetinshe, arnaıy tehnıkany tarta otyryp, aýmaqty rekýltıvatsııalaý jáne janý oshaqtaryn topyraqpen kómý jumystary atqarylyp jatyr.
Órtti sóndirýge TJM bólimsheleri men jergilikti atqarýshy organdardyń kúshteri jumyldyrylǵan.
Órtti tolyq sóndirý jumystary jalǵasyp jatyr.
Buǵan deıin Óskemen qalasyndaǵy kondensator zaýytynda órt shyqqanyn jazǵan bolatynbyz.
