Almaty oblysynda qoqys órtendi
ASTANA. KAZINFORM - Búgin Almaty oblysynyń Qarasaı aýdanyndaǵy Aqsaı shatqalynda, «Aqsaı» kareriniń aýmaǵynda qoqys órtendi, dep habarlaıdy QR Tótenshe jaǵdaılar mınıstrliginiń baspasóz qyzmeti.
Oqıǵa ornyna TJM kúshteri men quraldary jedel jetti. Órt oqshaýlandy, jalynnyń jaqyn mańdaǵy aýmaqtarǵa taralý qaýpi joq.
-Órtti sóndirý jumystary qıyn relefke baılanysty kúrdelenip otyr. Tútindep jatqan oshaqtar órt sóndirý tehnıkasynyń jetýi qıyn tik betkeıde ornalasqan. Sonymen qatar, qatty jeldiń ekpini tútindeý oshaqtarynyń taralýyna áser etip, órtti tolyq sóndirý jumystaryn qıyndatty,-delingen habarlamada.
Qazirgi ýaqytta oqıǵa ornynda jerdi rekýltıvatsııalaý, aýmaqty topyraqpen jabý jáne tútindeý oshaqtaryn sóndirý jumystary jalǵasýda. Jaǵdaı TJM-niń turaqty baqylaýynda.
Osyǵan deıin el aýmaǵynda 13 orman órti tirkelgeni týraly jazdyq.
