Almaty oblysynda qyzmettik kólikpen zeınetkerdi qaǵyp ketken HQO qyzmetkeri ustaldy

Áleýmettik jelide jol apatyna qyzmettik kólikpen júrgen HQO qyzmetkeri kináli ekeni jáne ol oqıǵadan keıin ketip qalǵany týraly málimet tarady. Atalǵan jaǵdaıǵa baılanysty oblystyq polıtsııa departamenti jáne «Azamattarǵa arnalǵan úkimet» memlekettik korporatsııasy» túsinikteme berdi.

Polıtsııa málimetinshe, 2026 jyldyń 11 tamyzynda saǵat 20:00 shamasynda «Almaty – Shelek – Qorǵas – Báıseıit» avtojolynda Kia Sorento avtokóliginiń júrgizýshisi joldy belgilenbegen jerden ótip bara jatqan 77 jastaǵy áıeldi qaǵyp ketken. Sonyń saldarynan zeınetker oqıǵa ornynda kóz jumdy.

- Jol-kólik oqıǵasy ornynan boı tasalaǵan 26 jastaǵy júrgizýshi anyqtalyp, qamaýǵa alyndy. Qazirgi ýaqytta jol-kólik oqıǵasynyń barlyq mán-jaıy men sebepterin anyqtaýǵa baǵyttalǵan tergeý áreketteri júrgizilip jatyr, - dep habarlady departamentten.

Al «Azamattarǵa arnalǵan úkimet» memlekettik korporatsııasynyń» baspasóz qyzmeti atalǵan jol-kólik oqıǵasyna oblystyq fılıal qyzmetkeriniń qatysy bar ekenin rastady.

- Memlekettik korporatsııa atalǵan jol-kólik oqıǵasynyń Fılıal qyzmetkeriniń qyzmettik avtokólikti basqarýy kezinde bolǵanyn rastaıdy. Bolǵan oqıǵa jaıly aqparat kelip túskennen keıin memlekettik korporatsııa óz quzyreti sheginde qyzmettik tekserý júrgizdi. Tekserý barysynda jaýapty laýazymdy tulǵalardyń áreketterine, ishki baqylaýdyń uıymdastyrylýyna, sondaı-aq qyzmettik avtokólikti paıdalaný tártibine tıisti baǵa berildi, - delingen jaýapta.

Qyzmettik tekserý qorytyndysy boıynsha fılıal dırektory men onyń orynbasaryna qyzmetin durys atqarmaǵany úshin tártiptik jaza qoldanylǵan.

Sondaı-aq memlekettik korporatsııa qaza bolǵan tulǵanyń jaqyndaryna kóńil aıta otyryp, qyzmetkerdiń is-áreketi úshin jaýapkershiligi zańnamaǵa sáıkes sot sheshimi negizinde aıqyndalatynyn atap ótti.

Eske salaıyq, Almatyda jol erejesin buzyp, qarý kórsetken júrgizýshi ustaldy.