Almaty oblysynda qyzdar arasyndaǵy tóbeles beınejazbaǵa túsip qaldy
QONAEV. KAZINFORM - Janjal beınejazbasy áleýmettik jelide tarady.
Onda jasópirim qyzdardyń bir-birine qol jumsaǵanyn kórýge bolady. Jelidegi málimetke sáıkes kıkiljiń Qaskeleńdegi kásiptik-tehnıkalyq kolledjde bolǵan.
Almaty oblysy Polıtsııa departamenti málimetinshe, 24 sáýir kúni Qarasaı aýdanynyń bilim berý mekemeleriniń birinde bolǵan oqıǵaǵa qatysty barlyq jasóspirimder dereý anyqtalǵan.
- Balalardy tárbıeleý jónindegi mindetterin tıisinshe oryndamaǵany úshin kámeletke tolmaǵandardyń zańdy ókilderi ákimshilik jaýapkershilikke tartyldy. Jasóspirimdermen jáne olardyń ata-analarymen quqyqqa qaıshy áreketterdiń saldaryn túsindirýge baǵyttalǵan profılaktıkalyq jumystar júrgizildi, - dep habarlady departamentten.
Eske salaıyq, Almaty oblysynda jasóspirim álimjettik jasaǵanyn jazǵanbyz.
Sonymen qatar Almaty oblysynda bir adamdy jabylyp urǵan kúdiktiler izdestirilip jatqanyn jazǵanbyz.