Almaty oblysynda kelesi jyly 38 aýyldyń ákimderi qaıta saılanady
QONAEV. KAZINFORM - Almaty oblysynda 2025 jyly 38 aýyl ákiminiń saılaýy ótedi. Bul týraly Kazinform tilshisine jaýap jibergen jaýabynda Almaty oblysynyń ákimdigi habarlady.
Ákimdik jaýabyna sáıkes, Almaty oblysy boıynsha 2 qala, 9 aýdan bar jáne 2025 jyly ókilettik merzimi aıaqtalatyn qala, aýdan ákimderiniń bolmaýyna baılanysty kelesi jyly saılaý josparlanbaǵan.
Degenmen, aldaǵy jyly oblys aýmaǵynda birshama aýyl ákimderiniń saılaýyn ótkizý kózdelgen.
- 2025 jyly ókilettik merziminiń aıaqtalýyna baılanysty Almaty oblysyna qarasty 38 aýyldyq okrýg ákimderiniń saılaýy Qazaqstan Respýblıkasyndaǵy saılaý týraly Qazaqstan Respýblıkasynyń 1995 jylǵy 28 qyrkúıektegi N 2464 Konstıtýtsııalyq zańynyń talaptaryna sáıkes ótedi, - dedi oblys ákimi apparat basshysynyń orynbasary Záýre Qusaıynova.
Aýyldyq okrýg ákimderin saılaý naýqanyna jumsalatyn qarajat áli naqtylanbaǵan. Aýmaqtyq saılaý komıssııasy ókilettigine baılanysty saılaý naýqanyn ótkizýge arnalǵan bıýdjettik ótinimderdi jyldyń aıaǵynda usynady.
Aıta ketken jón, aldaǵy jeksenbi, ıaǵnı 17 qarasha kúni Іle aýdanynyń Baıserke aýyldyq okrýgi ákiminiń saılaýy jáne Іle aýdanynyń Aşybulaq aýyldyq okrýgi ákiminiń saılaýy ótedi.
Eske salaıyq, buǵan deıin Talǵar qalasyna jańa ákim 15 qarasha kúni saılanatyn jazǵanbyz.
Osyǵan deıin Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵany týraly jazǵan edik.
