Almatyda qaıtarylǵan qarajat esebinen feldsherlik pýnkt paıdalanýǵa berildi

ASTANA. KAZINFORM — Jalpy oblysta qaıtarylǵan qarajat esebinen 29 áleýmettik nysannyń qurylysy júrgizilip jatyr, onyń 26-sy — densaýlyq saqtaý mekemeleri, dep habarlaıdy Almaty oblysy prokýratýrasynyń baspasóz qyzmeti.

Almaty oblysynyń prokýratýrasy zańsyz shyǵarylǵan aktıvterdi qaıtarý boıynsha belsendi jumys júrgizip keledi. Memleketke qaıtarylǵan qarajat esebinen densaýlyq saqtaý, bilim berý jáne ınfraqurylym nysandary sııaqty mańyzdy áleýmettik jobalar júzege asyrylyp jatyr.

Osy jumystar aıasynda, Qazaqstan Respýblıkasy Konstıtýtsııasynyń 30 jyldyǵy qarsańynda, Іle aýdanynda jańa feldsherlik-akýsherlik pýnkttiń saltanatty ashylýy ótti. Іs-sharaǵa Іle aýdanynyń prokýrory qatysty.

— Jańa medıtsınalyq nysan alǵashqy medıtsınalyq-sanıtarlyq kómekti kórsetýge qajetti zamanaýı jabdyqtarmen qamtylǵan. Sonyń arqasynda Kóktórek aýylynyń 2000-nan astam turǵyny aýdan ortalyǵyna barmaı-aq, sapaly medıtsınalyq kómekke qol jetkize alady. Jalpy, Almaty oblysynda qaıtarylǵan qarajat esebinen 29 áleýmettik nysannyń qurylysy júrgizilip jatyr, onyń 26-sy — densaýlyq saqtaý mekemeleri, — delingen habarlamada.

Almaty oblysynyń prokýratýrasy zańdylyqty qamtamasyz etý jáne aktıvterdi qaıtarý boıynsha júıeli jumysyn jalǵastyryp, olardy qoǵam qajettilikterine baǵyttaıtyn bolady.

Osyǵan deıin Almaty oblysynda qurylysyna 1,6 mlrd teńge jumsalǵan mádenıet úıi qashan iske qosylatyny anyqtaldy.