Almaty oblysynda qaıtarylǵan aktıvter esebinen 1,1 mlrd teńgege sport kesheni salynady
QONAEV. KAZINFORM — Almaty oblysynda qaıtarylǵany aktıvter esebinen sport nysandary salynady.
Oblystyq dene shynyqtyrý jáne sport basqarmasy basshysynyń orynbasary Janserik Ádıahmetovtyń aıtýynsha, óńirde 3 sport kesheniniń qurylysy júrip jatyr.
Kegen aýdany Jalaǵash aýylynda 50 oryndyq sport kesheni 60 paıyzǵa daıyn. Nysandy 2026 jyldyń birinshi toqsanynda paıdalanýǵa berý josparlanǵan. Joba quny — 1,1 mlrd teńge jáne ol zańsyz aktıvterdi memleketke qaıtarý tetigi aıasynda júzege asyrylyp jatyr.
— Odan bólek Jambyl aýdany Tarǵap aýylynda 70 oryndyq sport kesheniniń qurylysy 30 paıyzǵa oryndalǵan. Ashylýy 2026 jyldyń tórtinshi toqsanyna josparlanǵan. Uıǵyr aýdany Shonjy aýylynda 70 oryndyq dene shynyqtyrý-saýyqtyrý kesheniniń qurylysy 25 paıyzǵa aıaqtalǵan. 2026 jyldyń úshinshi toqsanynda paıdalanýǵa berilmek, — dedi ol.
Jalpy oblys aýmaǵynda barlyǵy 1891 sporttyq nysan jumys isteıdi. Onyń 1193-i bilim berý uıymdarynda ornalasqan, 195-i sport mektepterine tıesili, sondaı-aq 503-i jeke sporttyq nysandar.
Eske salaıyq, buǵan deıin Qostanaıda prokýratýranyń aralasýymen bıýdjetke 616 mln teńge qaıtarylǵanyn jazǵanbyz.