Almaty oblysynda kásiporyndar sýarmaly sý tarıfterin negizsiz kótergen — Prokýratýra

ALMATY. KAZINFORM — Almaty oblysynyń prokýratýrasy oblystyń sý sharýashylyǵy kásiporyndarynyń qyzmetin tekserý nátıjesinde, sýarmaly sý tarıfteriniń negizsiz kóterilý derekterin anyqtap, aýyl sharýashylyǵy óndirýshilerine keltiriletin shyǵynnyń aldyn aldy. Bul týraly prokýratýranyń baspasóz qyzmeti málim etti. 

«Taldaý barysynda Talǵarırrıgatsııa, Balqashırrıgatsııa, Kólsaıırrıgatsııa jáne Úshqońyrırrıgatsııa uıymdarynyń sý tasymalyna, sý berý qurylystaryn kútip ustaýǵa jáne salyq aýdarymdaryna jumsalatyn shyǵyndardy asyra baǵalaýy sebebinen túpki paıdalanýshylar úshin sýarmaly sýdyń quny negizsiz kóterilgeni anyqtaldy», — delingen habarlamada.

Prokýratýranyń qadaǵalaý aktisi aıasynda ótemdik tarıfter engizilip, 1 m³ sýarmaly sýdyń quny 38%-ǵa tómendetildi. Bul sharanyń nátıjesinde oblystyń 1300-den astam aýyl sharýashylyǵy óndirýshileriniń quqyqtary qorǵaldy jáne shyǵyndardyń ósýi jaǵdaıynda olardyń ustanymdary nyǵaıtyldy.

Tekserý qorytyndysy boıynsha kináli tulǵalar tártiptik jaýapkershilikke tartyldy.

Buǵan deıin habarlanǵandaı, Ulytaý oblysynda 218 mln teńge memleketke qaıtaryldy.