Almaty oblysynda qarsy jolaqqa shyqqan kólikterdi drondar anyqtap jatyr

QONAEV. KAZINFORM – Almaty oblysynda patrýldik polıtsııa qyzmetkerleri ushqyshsyz ushý apparattaryn, ıaǵnı drondardy qoldanyp júr.

Oblystyq polıtsııa departamenti jol-kólik oqıǵalarynyń basym bóligi jyldamdyqty asyrý ne qarsy qozǵalys jolaǵyna shyǵý kesirinen bolatynyn habarlady. Mundaı jaǵdaılardyń aldyn alyp, jol erejesin elemeıtin júrgizýshilerdi anyqtaý úshin qazir drondar qoldanyla bastady. Jyl basynan beri polıtsııa joldyń qarsy baǵytyna shyǵýdyń 97 deregin anyqtaǵan.

– Drondardy paıdalaný quqyq buzýshylyqtardy naqty ýaqyt rejıminde, ásirese apattyq qaýipti ýchaskeler men kólik qozǵalysy qarqyndy joldarda tirkeýge múmkindik beredi. Áýe arqyly baqylaý obektıvtilik pen ashyqtyqty qamtamasyz etip, jaýapkershiliktiń bultartpastyǵyn kúsheıtedi. Barlyq materıaldar Qazaqstan Respýblıkasynyń qoldanystaǵy zańnamasyna sáıkes rásimdelip, qaralady, – dep habarlady departamentten.

Eske salaıyq, buǵan deıin Almaty oblysynyń qaı joldarynda ortasha jyldamdyq rejımi engizilgenin jazǵanbyz.