Almaty oblysynda qaraquıryqty atyp alǵan brakonerler ustaldy
QONAEV. KAZINFORM - Almaty oblysy Jambyl aýdanynda brakonerlik faktisi boıynsha 4 adam ustaldy.
22 qańtarda «Ohotzooprom» ÓB» RMQK ınspektorlary Almaty oblysy, Qanshengel aýylynyń soltústiginde ótkizilgen reı̆dtik is-sharalar barysynda «ÝAZ» markaly avtokólikti toqtatqan. Onyń ishinde tórt azamat bolǵan.
Kólikti tekserý kezinde Qyzyl kitapqa engen qaraquı̆ryq ańyna uqsas usha, eki dana qoıan ushasy, qoldan jasalǵan qolsham jáne eki dana ańshy qarýy tabyldy.
- QR Qylmystyq kodeksiniń 339-babynyń 1-bóligine sáı̆kes qylmystyq quqyq buzýshylyq belgileriniń bar ekenin eskere otyryp, materıaldar belgilengen tártip boı̆ynsha jergilikti polıtsııa bólimine berildi, - dep habarlady Orman sharýashylyǵy jáne janýarlar dúnıesi komıtetinen.
Eske salaıyq, buǵan deıin Atyraýda zańsyz balyq aýlaǵan brakonerler mototsıklin tastap qashyp ketkenin jazǵanbyz.