Almaty oblysynda qar kóshkini júrýi múmkin
ASTANA. KAZINFORM – Almaty oblysynda qar kóshkini qaýpi saqtalady. Bul týraly «Qazgıdromet» RMK baspasóz hatshysy Alına Ysmaǵulova aıtty.
«12-13 sáýir aralyǵynda qatty jaýyn-shashyn boljamyna baılanysty Jetisý oblysynyń taý jáne taý etegindegi aımaqtarda betkeılik aǵyndynyń qalyptasýy jáne ózenderde sý deńgeıleriniń kóterilýi kútiledi. 13-16 sáýir aralyǵynda Almaty oblysynyń Úlken jáne Kishi Almaty sý alaptarynda jylymyqtyń áserinen, qar jamylǵysynyń turaqsyzdyǵy men bıiktiginiń joǵary bolýyna jáne jaýyn-shashyn kútilýine baılanysty qar kóshkini qaýpi saqtalady», - dedi ol Ortalyq kommýnıkatsııalar qyzmetindegi brıfıngte.
Onyń aıtýynsha, Qostanaı oblysynda 13-17 sáýir aralyǵynda jańbyr túrindegi jaýyn-shashyn boljamyna, sondaı-aq ózenniń joǵary aǵysyndaǵy jylǵalar men jazyqtardan erigen qar aǵynnyń kelýine baılanysty oblystyń soltústigi men soltústik-shyǵysyndaǵy ózenderde sý deńgeıiniń kóterilý qaýpi bar.
