Almaty oblysynda qar kóshkini oblystyq mańyzy bar joldy jaýyp qaldy
QONAEV.KAZINFORM - Almaty oblysy Eńbekshiqazaq aýdanynyń aýmaǵynda qar kóshkini júrdi.
Almaty oblysy TJD málimetinshe, búgin saǵat 06:05-te oblystyq mańyzy bar «Túrgen – Batan» avtojolynyń 22 jáne 23 shaqyrymy arasynda qar kóshkini júrdi. Kólemi - 200 tekshe metr. Kóshkin saldarynan zardap shekkender joq.
- Túrgen ózeniniń arnasynda sý erkin ótip tur. Jaǵdaıdy baǵalaý jáne joldy tazartý úshin Almaty oblysy Tótenshe jaǵdaılar departamentiniń 2 qyzmetkeri men 1 tehnıkasy, «Qazseldenqorǵaý» mekemesiniń 2 mamany men 1 tehnıkasy jiberildi. Qazirgi ýaqytta joldy tazartý jumystary júrgizilip jatyr. Júrgizýshilerge jaǵdaıdy eskerip, kórsetilgen marshrýt boıynsha júrýden ýaqytsha bas tartý usynylady, - dep habarlady oblystyq TJD.
Eske salaıyq, birneshe kún buryn Almaty oblysynyń taýlarynda qar kóshkini júrgenin jazǵanbyz.
Sondaı-aq Shymbulaqta shańǵyshylar kesirinen qar kóshkini júrgen bolatyn.
