Almaty oblysynda qar barysy men Túrkistan sileýsini fototuzaqqa túsip qaldy
QONAEV.KAZINFORM - «Kólsaı kólderi» ulttyq tabıǵı parkinde qar barysy men Túrkistan sileýsini fototuzaqqa túsip qaldy. Erekshe kadrlardy Orman sharýashylyǵy jáne janýarlar dúnıesi komıteti áleýmettik jelide jarııalady.
Fototuzaq túsirgen beınejazbadan túngi ýaqytta park aýmaǵynda senimdi qımyldap júrgen qar barysy baıqaldy. Sonymen qatar fototuzaqqa túsken Túrkistan sileýsini óz jemtigin baıqaǵan boıda sekirýge daıyndalyp, biraq sońǵy sátte raıynan qaıtady.
- Bul kadrlar jyrtqyshtardyń kúndelikti ómirin ǵana kórsetip qoımaı, sonymen birge park aýmaǵynda olardyń mekendeýine qolaıly jaǵdaı jasalǵanyn dáleldeıdi. Tabıǵatty saqtap, qar barysy men Túrkistan sileýsini sııaqty asqaq janýarlardy qorǵaýǵa birge atsalysaıyq, - dep habarlady komıtetten.
Eske salaıyq, buǵan deıin Almaty oblysynda saqaltaı vıdeoǵa túsip qalǵanyn jazǵanbyz.