Almaty oblysynda Qańtar oqıǵasy kezinde qarý urlaǵan kúdiktiler ustaldy

ASTANA. KAZINFORM — Bıyl zańsyz aınalymnan 50-ge jýyq qarý, sonymen qatar 500-den astam oq-dári jáne 6 jarylǵysh zat alyndy; qarý jasyrylǵan 12 qoıma anyqtaldy; Qańtar oqıǵasy kezinde urlanǵan 6 dana qarý jáne polıtsııanyń arnaıy jabdyqtary tárkilendi. Bul týraly ІІM baspasóz qyzmeti habarlady. 

Іshki ister mınıstrligi qarý-jaraq pen oq-dárilerdi zańsyz aınalymnan tárkileý boıynsha jumysty júıeli negizde júrgizedi. Bul jumys jedel-profılaktıkalyq is-sharalardyń aıasynda da jalǵasady.

Bıyl 1 qyrkúıekten bastap elimizde respýblıkalyq «Ýchaske» jedel aldyn-alý is-sharasy ótip jatyr. Onyń sheberinde: zańsyz aınalymnan 50-ge jýyq qarý, sonymen qatar 500-den astam oq-dári jáne 6 jarylǵysh zat alyndy; qarý jasyrylǵan 12 qoıma anyqtaldy; Qańtar oqıǵasy kezinde urlanǵan 6 dana qarý jáne polıtsııanyń arnaıy jabdyqtary tárkilendi: onyń bireýi Kalashnıkov avtomaty, bir tapansha, eki oıyq myltyq jáne eki tegis unǵyly qarý, sonymen qatar qyzmettik bronejıletter men kaskalar bar; azamattar tarapynan 15 qarý óz erkimen tapsyryldy. 

— 21 myńnan astam azamattyq qarý tekserilip, onda 400-den astam adam ákimshilik jaýapkershilikke tartyldy. 5 qyrkúıekte Almaty oblysynda jergilikti turǵyndar ustaldy, olardan Qańtar oqıǵasy kezinde Almaty qalasynda urlanǵan arnaıy myltyq tárkilendi. Bul baǵyttaǵy jumys jalǵasyp jatyr, — dedi ІІM krımınaldyq polıtsııa departamenti basqarma bastyǵynyń orynbasary Jandos Batyrbekov.

Aıta ketelik qarý-jaraq saýdasyna qatysty Іshki ister mınıstrliginiń birqatar buıryǵy ózgergen edi.