Almaty oblysynda qansha saıajaı eldi mekenderge qosylady
QONAEV. KAZINFORM — Almaty oblysynyń ákimdigi eldi mekenderge qosylǵan saıajaı ýchaskeleriniń tizimin jarııalady.
Almaty oblysynyń Sáýlet jáne qala qurylysy basqarmasynyń málimetinshe, qazir óńirde 677 saıajaı tirkelgen.
Saıajaı alqaptarynyń eń kóbi Qarasaı aýdanynda – 203, Talǵar aýdanynda – 151, Eńbekshiqazaq aýdanynda – 135, Іle aýdanynda – 118, Jambyl aýdanynda – 21, Qonaev qalasynda – 9 jáne jańadan qurylǵan Alataý qalasynda – 40.
2023 jyly Almaty oblysy boıynsha 367 saıajaı massıvin eldi mekenderge qosý úshin qala qurylysy qujattamasy ázirlenip, bekitildi.
Іle aýdany
88 saıajaı alybyi 8 aýyldyń quramyna engizildi. Atap aıtqanda, KazTsIK, Kókqaınar, Japek batyr, Kosózen, Baıserke, Qoıanqus, Komsomol, Janatalap aýyldaryna tıesili saıajaılar endi zańdy túrde eldi mekender shekarasyna kirdi. Bul ózgeristerdiń barlyǵy Іle aýdandyq máslıhatynyń 2023 jylǵy 29 jeltoqsandaǵy sheshimderimen bekitildi.
Qarasaı aýdany
6 eldi mekenniń aýmaǵyna 102 saıajaı endi. Onyń ishinde:
•Qaskeleń qalasyna – 44,
•Qyrǵaýyldy aýylyna – 21,
•Almalybaq aýylyna – 26,
•Qoshmambet, Eltaı jáne Dolan aýyldaryna – 11 saıajaı massıvi qosyldy.
Bas jospar 2024 jyldyń aqpan aıynda aýdandyq máslıhat sheshimimen bekitildi.
Talǵar aýdanynda
6 eldi meken boıynsha 93 saıajaı eldi meken quramyna engizildi. Bul aýyldardyń qatarynda Kendala, Aqtas, Besaǵash, Tuzdybastaý, Baıbulaq jáne Qyzyltý bar. Barlyq josparlar 2024 jyldyń 26 qańtarynda Talǵar aýdandyq máslıhaty sheshimimen bekitildi.
Eńbekshiqazaq aýdanynda
Baıterek aýyly men Esik qalasyna tıesili 35 saıajaı massıvi eldi mekenderdiń shekarasyna engizildi. Qujattar 2023 jyldyń jeltoqsanynda bekitilgen.
Qonaev jáne Alataý qalalary
Qonaev qalasyna – 9, Alataý qalasyna – 40 saıajaı massıvi qosyldy. Qalalardyń bas josparlary Úkimet qaýlysymen 2023 jáne 2024 jyldary bekitildi.
2024 jyly oblys boıynsha 51 eldi mekenge qatysty jańa qala qurylysy qujattamasy ázirlenip, memlekettik saraptamadan ótip jatyr. Nátıjesinde, shamamen 15 383 jer telimi eldi mekenderdiń shekarasyna resmı túrde engizilmek. Onyń ishinde:
•Іle aýdanynda – 30 saıajaı massıvi,
•Talǵar aýdanynda – 19,
•Qarasaı aýdanynda – 27.
2025 jyly Qarasaı aýdanynyń Turar, Kóldi, Bekbolat, jáne Eńbekshiqazaq aýdanyndaǵy Azat aýyldaryna qatysty 23 saıajaı massıvin zańdastyrý boıynsha qujattar daıyndalyp jatyr. Bul jerlerdiń jalpy aýdany – 123,04 gektar.
Buǵan deıin Almaty oblysynda 333 saıajaı jaqyn mańdaǵy eldi mekenderge qosylǵany týraly jazǵan edik.
Eske salaıyq, Almaty oblysyndaǵy Esik qalasynyń shekarasy eki ese ulǵaıdy.