Almaty oblysynda qandaı alaıaqtyq faktileri jıi bolady

QONAEV. KAZINFORM – Almaty oblysynda «Alaıaqtyqqa jol joq» jedel aldyn alý sharasy júrgizilip jatyr.

Almaty oblysy polıtsııa departamenti Kıberqylmysqa qarsy is-qımyl basqarmasynyń basshysy Nurjan Keńeshanulynyń aıtýynsha, jyl basynan beri óńirde 550 ınternet-alaıaqtyq faktisi tirkelgen. Onyń ishinde 131 qylmystyq is aıaqtalyp, 114-i sotqa joldandy.

Eń kóp taraǵan alaıaqtyq túrleri — bank qyzmetkeri retinde aldaý, onlaın saýdadaǵy jáne ınvestıtsııalyq jalǵan usynystar, sondaı-aq áleýmettik kómek pen nesıe syltaýlary.

- Aldyn alý aıasynda 15 aqparattyq aktsııa ótkizilip, 25 000 paraqsha taratyldy, 11 bılbord pen LED-ekran ornatyldy. 120 mektep, 3 kolledj jáne ýnıversıtette kıbergıgıena boıynsha sabaqtar júrgizildi, 10 maqala, áleýmettik jelilerde 30-dan astam beınerolık pen úndeý jarııalandy, - dedi ol.

Sonymen qatar qazirgi kezde ınternet-alaıaqtyqtyń birneshe jańa túri beleń alǵan:

1. Banktik alaıaqtyq – jalǵan qońyraý arqyly azamattardy qorqytyp, jeke derekterin alý; 
2. Onlaın saýdadaǵy alaıaqtyq – jalǵan paraqshalar arqyly aldyn ala tólem suraý; 
3. Jalǵan ınvestıtsııalar – feık jarnamalarmen aldaý; 
4. Dıpfeık tehnologııasy arqyly aldaý – «týys» nemese «basshy» atynan aqsha suraý; 

Fıshıng – jalǵan siltemeler arqyly logın, qupııa sóz urlaý.

Tártip saqshylary azamattardy saq bolýǵa shaqyryp, kúmándi jaǵdaı týyndasa, birden «102» nómirine habarlasýdy usyndy.

Eske salaıyq, Kazinform agenttiginiń BIZDIÑ ORTA podkastynda QR Bas prokýrorynyń orynbasary Jandos Ómirálıev 200-den astam dropper sottalǵanyn aıtty.