Almaty oblysynda Instagram arqyly zańsyz lotereıa uıymdastyrǵan azamat jazalandy
QONAEV. KAZINFORM - Almaty oblysynyń Balqash aýdandyq sotynda zańsyz lotereıa uıymdastyrǵan N.-ǵa qatysty ákimshilik quqyq buzýshylyq týraly is qaraldy.
Sot málimetine sáıkes, 2024 jyldyń shilde aıynda N. óziniń Instagram paraqshasynda zańsyz lotereıa uıymdastyryp, "Jetour" markaly avtokóligin oınatqan. Lotereıaǵa qatysý úshin 200 teńge kólemindegi sheksiz lotereıa bıletiniń qunyn N.-nyń jeke banktik shotyna aýdarý qajet bolǵan.
Almaty oblystyq soty quqyq buzýshylyq N. lotereıa operatory bolyp tabylmaıtyn tulǵa jóninde habarlama, Instagram paraqshasynyń skrınshottary jáne istiń basqa da materıaldarymen rastalǵanyn habarlady.
- Sot N.-ny ÁQBtK-niń 445-1-baby 6-bóligi boıynsha ákimshilik quqyq buzýshylyq jasaǵany úshin kináli dep tanyp, oǵan 100 AEK, ıaǵnı 369 200 teńge kóleminde aıyppul túrinde jaza taǵaıyndady, - dep málimdedi oblystyq sot.
Sot qaýlysy zańdy kúshine endi.
Eske salaıyq, buǵan deıin Almaty oblysynda emdelý úshin aqsha jymqyrǵan býhgalterge sot sheshimi ózgerissiz qalǵanyn jazǵanbyz.
