Almaty oblysynda halyqaralyq izdeýde júrgen er adam ustaldy

ALMATY. KAZINFORM – Almaty oblysynyń polıtseıleri halyqaralyq izdeýde júrgen 40 jastaǵy er adamdy qolǵa túsirdi.

Oblystyq polıtsııa departamentiniń bastyǵy Baýyrjan Álenovtyń aıtýynsha, 22 aqpanda Almaty oblysy Polıtsııa departamentiniń uıymdasqan qylmysqa qarsy kúres basqarmasynyń qyzmetkerleri jedel izdestirý sharasy barysynda halyqaralyq izdeýde júrgen 40 jastaǵy qylmyskerdi ustady.

«Aıta ketý kerek, Jambyl oblysynyń polıtseıleri ustalǵan adamǵa qatysty qylmystyq quqyq buzýshylyq belgileri boıynsha is júrgizýdi bastaǵan. Ustalǵan er adamnyń birneshe aı boıy Almaty qalasynyń aýmaǵynda quqyq qorǵaý organdarynan jasyrynǵany anyqtaldy», - dep jazdy Baýyrjan Álenov Facebook-tegi paraqshasynda. 

Qazir ol Qarasaı aýdandyq polıtsııa basqarmasynyń ýaqytsha ustaý ızolıatoryna qamaýǵa alyndy.

Tergeý múddesi úshin ózge aqparat jarııa etilmeıdi.