Almaty oblysynda er adam áıelin uryp-soǵyp, murnyn syndyrǵan

QONAEV. KAZINFORM — Almaty oblysynda er adam áıelin úıde aıaýsyz uryp-soqqan.

Jelidegi málimetke sáıkes, oqıǵa Shelek aýylynda bolǵan. Jantúrshigerlik beınejazba áleýmettik jelide tarady. 

Almaty oblysynyń polıtsııa departamenti uryp-soǵý faktisi boıynsha qylmystyq is tirkelgenin habarlady. Qazirgi ýaqytta kúdikti ustalyp, ýaqytsha ustaý ızolıatoryna qamalǵan.

— Sotqa deıingi tergep-tekserý sheńberinde bolǵan oqıǵanyń mán-jaılaryn obektıvti jáne jan-jaqty anyqtaýǵa baǵyttalǵan barlyq qajetti tergeý áreketteri júrgiziledi. Atalǵan jumystardyń nátıjeleri boıynsha túpkilikti protsestik sheshim qabyldanatyn bolady, — dep habarlady departamentten.

Eske salaıyq, buǵan deıin áıeldi baspaldaqtan ıterdi dep kúdikke ilingen Amantaı qajyǵa is qozǵalǵanyn jazǵanbyz.