Almaty oblysynda dárethanadan 21 jastaǵy boıjetkenniń máıiti tabyldy

Marqumnyń jaqyndary onyń óz-ózine qol jumsaǵanyna kúmán keltirdi.

Olardyń aıtýynsha, boıjetken qaıǵyly oqıǵanyń aldynda otbasymen birge ýaqyt ótkizýdi josparlaǵan. Ol jumystan soń aǵasynyń úıine barýy kerek bolǵan, biraq túnde baılanysqa shyqpaı qalǵan.

Marqumnyń týystary qyzdyń denesin tekserý kezinde soqqy izderi men dene jaraqattary baıqalǵanyn aıtty. Odan bólek boıjetkenniń jeke zattaryn saı ishinen onyń týystary óz betinshe taýyp, ony tergeýshilerge tapsyrǵan. Qyzdyń jaqyndary ólimniń mán-jaıyn muqııat ári jan-jaqty tergeýdi talap etedi.

Almaty oblystyq polıtsııa departamenti atalǵan derek boıynsha QR Qylmystyq kodeksiniń 105-baby («Ózin-ózi ólýge deıin jetkizý») boıynsha qylmystyq is tirkelgenin habarlady. Qazirgi ýaqytta tergeý júrip jatyr.

Eske salaıyq, Petropavlda káriz qudyǵynyń janynan áıeldiń máıiti tabyldy.