Almaty oblysynda er adam taýdaǵy ózenge batyp ketti

ALMATY. KAZINFORM — Almaty oblysynda er adam aǵysy qatty taýdaǵy ózenge batyp ketti. Bul týraly QR TJM jedel-qutqarý otrıady habarlady. 

«Jedel-qutqarý otrıady marqumnyń denesin sýǵa túsken jerinen 1 km qashyqtyqtan tapty. Denesi shyǵaryldy. Polıtsııa qyzmetkerlerine tabystaldy», — delingen habarlamada. 

Málim bolǵandaı, Almaty oblysy Qarasaı aýdanyndaǵy Qaskeleń shatqalynda 1961 jyly týǵan azamat otbasy sondaı-aq dostarymen birge demalyp júrgen. Sýǵa túsip, sergigisi kelgen azamatty ózenniń qatty aǵysy alyp ketken. 

Eske sala keteıik, buǵan deıin bıyl elimizde shomylý maýsymy bastalǵaly 70 adamnyń ajaly sýdan kelgenin jazǵan bolatynbyz.