Almaty oblysynda er adam shoshqany avtomatpen atyp óltirgen

QONAEV. KAZINFORM – Áleýmettik jelide qolynda qarýy bar er adamnyń shoshqany birneshe ret atyp óltirgen vıdeosy tarady.

Jelidegi jazbada oqıǵa Almaty oblysy Qarasaı aýdanynda bolǵany jazylǵan. 

Almaty oblysy polıtsııa departamentiniń málimetinshe, oqıǵa ótken jyly 17 qazanda bolǵan. Sondaı-aq janýarlarǵa qatygezdik tanytý boıynsha qylmystyq is qozǵaldy. 

«Tekseris barysynda atalǵan qylmystyq quqyqbuzýshylyqty 64 jastaǵy azamat jasaǵany anyqtaldy. Onyń atyna tirkelgen qarý tárkilendi. Oqıǵa ótken jyly ustalǵan azamattyń Qarasaı aýdanyndaǵy jeke úıiniń aýmaǵynda bolǵan», - dep habarlady polıtsııanyń baspasóz qyzmeti.

Prokýratýra organdarmen kelise otyryp, is boıynsha protsessýaldyq sheshim shyǵaryldy.