Almaty oblysynda er adam balalardy baılap, pyshaqpen qorqytqan
ALMATY. KAZINFORM - Áleýmettik jelide Almaty oblysynda belgisiz er adam 4 balany uryp-soǵyp, azaptap, olarǵa pyshaq salǵany týraly aqparat tarady. Buǵan qatysty oblystyq polıtsııa departamentiniń basshysy Baýyrjan Álenov túsinik berdi.
Onyń vıdeosy Telegram arnalardyń birinde tarady.
Balalardyń aıqaıyna kórshileri júgirip kelgende, olardyń aıaq-qoly baılanǵanyn kórgeni aıtylady.
Zardap shekkenderdiń sózinshe, Baqytjan esimdi er adam úıge basyp kirgen.
Almaty oblystyq polıtsııa departamentiniń bastyǵy Baýyrjan Álenovtiń aıtýynsha, kámeletke tolmaǵandarǵa shabýyl jasaǵan áreket týraly aryz boıynsha sotqa deıingi tergeý amaldary bastaldy.
«Kúdikti tulǵa anyqtaldy. Ony quryqtaý boıynsha qajetti is-sharalar qabyldanýda. Atalǵan derek boıynsha oblystyń barlyq aýdandyq bólimshe men óńirlik polıtsııa organdary baǵdarlandy», - dedi Baýyrjan Álenov.
