Almaty oblysynda er adam áıelin aıaýsyz soqqyǵa jyqty

QONAEV. KAZINFORM – Áleýmettik jelide taǵy bir er adamnyń áıelin aıaýsyz soqqyǵa jyqqan vıdeo tarady.

Beınejazbadan jerde jatqan áıeldi er adamnyń judyryqtap jatqanyn kórýge bolady.

Almaty oblystyq polıtsııa departamentiniń málimetinshe, atalǵan derek Qarasaı aýdandyq polıtsııa basqarmasynda QR QK-niń 107-baby 2-bóliginiń 3-tarmaǵy boıynsha tirkeldi. 

Jedel izdestirý is-sharalary barysynda aýdandyq polıtsııaǵa 1979 jyly týǵan A. esimdi azamat anyqtalyp, jetkizildi.

«Qazirgi ýaqytta jábirlenýshige qatysty sot-medıtsınalyq saraptama taǵaıyndaldy. Barlyq qajetti tergeý áreketteri júrgizilgennen keıin qylmystyq is boıynsha túpkilikti protsestik sheshim qabyldanatyn bolady»,- dep habarlady vedomstvodan.

Buǵan deıin Almaty kósheleriniń birinde Saltanat esimdi kelinshekti burynǵy kúıeýiniń urǵany týraly jazǵan edik. 

Keıin onyń burynǵy kúıeýi qazaqstandyqtardan keshirim surady.