Qazaqstannyń barlyq aımaǵynda elektr sırenalary oınaıdy
ASTANA. KAZINFORM – Qazaqstannyń barlyq aýmaǵynda 8 aqpan kúni saǵat 12.55-te «KÓKTEM – 2024» respýblıkalyq komandalyq-shtabtyq oqý-jattyǵý aıasynda azamattyq qorǵaýdy qulaqtandyrý júıesi tekseriledi. Osyǵan baılanysty TJM eskertý jasady.
«Halyqty tótenshe jaǵdaıdan qorǵaý jónindegi basty is-sharalardyń biri retinde halyqty ýaqtyly habardar etýmen qatar, tabıǵı, tehnogendik sıpattaǵy qaýipti faktorlardyń týyndaýy nemese onyń qaýpi týraly habardar etý bolyp tabylady. Tekseris barysynda elektr sırenalary men sırena-sóıleý qondyrǵylary qosylady. Osyǵan baılanysty halyqty úreıge boı bermeýge jáne oǵan túsinistikpen qaraýǵa shaqyramyz», - dep habarlady TJM-da.
Sondaı-aq qutqarýshylar elektr sırenalary qosylǵan kezde ne isteý qajet ekenin eske saldy.
«Eger sıgnaldy úıde estiseńiz:
- radıo jáne teledıdar qabyldaǵyshtaryn qosyńyz;
- shuǵyl habarlamany tyńdańyz;
- berilgen habarlamaǵa sáıkes áreket etińiz.Eger sıgnaldy kóshede estiseńiz:
- kóshedegi daýys zoraıtqyshtar men jyljymaly habarlaý quraldary arqyly taraıtyn shuǵyl habarlamany tyńdańyz;
- berilgen habarlamaǵa sáıkes áreket etińiz.Sizdiń aımaqtaǵy shuǵyl aqparatty tez alý úshin «Dármen» mobıldi qosymshasyn júkteı alasyz», - dep eskertti vedomstvoda.
