Almaty oblysynda eldi pyshaqpen qorqytqan er adam ustaldy

QONAEV. KAZINFORM – Almaty oblysy Qarasaı aýdanynda qolynda pyshǵaǵy bar er adam jergilikti turǵyndardy qorqytqan.

Áleýmettik jelige shyqqan vıdeoda er adamnyń ústinen birenshe ret aryz jazylsa da, esh nátıje bermegenin aıtty.  

Almaty oblysynyń polıtsııa departamenti kúdiktiniń ustalǵanyn habarlady.

«15 sáýir kúni Qarasaı aýdanynyń polıtsııasyna 54 jastaǵy Kemertorǵan aýylynyń turǵyny beımálim er adamnyń dúken men aýlada turǵyn kóliktiń terezesin syndyrǵanyn aıtyp, shaǵymdandy. Aýdandyq polıtsııanyń ýchaskelik ınspektorlary 1987 jyly týǵan er adamdy anyqtap, ustady. Atalǵan derek boıynsha buzaqylyq belgileri aıasynda qylmystyq is qozǵaldy» dep habarlady polıtsııa.

Qazirgi ýaqytta oqıǵany tergeýdiń jan-jaqtylyǵy men obektıvtiligin qamtamasyz etý úshin qajetti tergeý áreketteri júrgizilýde.