Almaty oblysynda eks-sheneýnik alaıaqtyq jasady degen kúdikke ilindi
ASTANA. KAZINFORM – Almaty oblysynyń Kegen aýdanynda kásipkerlerdi jer ýchaskesin alyp beremin dep aldap, 20 mln teńgeden astam qarjysyn ıemdendi degen kúdikpen burynǵy memlekettik qyzmetshige qatysty qylmystyq is tirkeldi.
Bul týraly Almaty oblysynyń prokýratýrasy habarlady.
Prokýratýranyń málimetinshe, Kegen aýdanynyń turǵyn úı-kommýnaldyq sharýashylyǵy jáne turǵyn úı ınspektsııasy bóliminiń burynǵy bas mamany óziniń qyzmettik jaǵdaıyna silteme jasap, kásipkerlerge memleketten jer ýchaskesin alýǵa kómektesetinin aıtyp senimderine kirgen.
«Osylaısha, ol kásipkerlerden jalpy somasy 20 mıllıon teńgeden astam aqshalaı qarajatty ıemdengen», – dep habarlady prokýratýra.
Atalǵan derek boıynsha 2026 jylǵy 19 mamyrda Qylmystyq kodekstiń 190-baby 3-bóliginiń 1-tarmaǵy («Alaıaqtyq») boıynsha sotqa deıingi tergep-tekserý bastaldy.
Qylmystyq isti tergeý Kegen aýdandyq polıtsııa bólimine tapsyryldy.
Aıta keteıik, Almaty oblysynda ınternet-alaıaqtyqqa qatysty 518 jalǵan habarlandyrý buǵattaldy.
