Almaty oblysynda eki jyl buryn toı ústinde avtomattan oq jaýdyrǵan er adam ustaldy

QONAEV. KAZINFORM — Almaty oblysynda úılený toıy kezinde er adam avtomattan oq jaýdyrǵan.

Áleýmettik jelige shyqqan vıdeodan úılený toıy kezinde er adamnyń AK-74 avtomatynan birneshe ret oq atqanyn kórýge bolady.

Jazbada oqıǵanyń Qaskeleń qalasynda bolǵany jazylǵan.  

Almaty oblysy polıtsııa departamentiniń baspasóz qyzmeti kúdiktiniń ustalǵanyn habarlady.

Oqıǵa 2022 jyldyń jazynda Qarasaı aýdany meıramhanasynyń aýmaǵynda bolǵan.

— Qazirgi ýaqytta 27 jastaǵy jergilikti turǵyn ustalyp, qamaýǵa alyndy. Odan AK-74 avtomaty tabylyp, tárkilendi. Kúdikti shynymen de tanysynyń úılený toıynda birneshe ret oq atqan, — dep habarlady Almaty oblysy polıtsııa departamentiniń baspasóz qyzmeti.

Buzaqylyq faktisi boıynsha qylmystyq is qozǵaldy.

Tárkilengen qarý ballıstıkalyq saraptamaǵa jiberildi.

Eske salsaq, bıyl qysta Almatydaǵy kókónis dúkenine kirgen er adam qarýdan oq atqan bolatyn.