Almaty oblysynda eki kishkentaı qyzdy zorlady dep ustalǵan kúdiktiniń áıeli de qamaldy

Almaty oblysynda bir úıdiń eki kishkentaı qyzyn zorlady degen kúdikke ilingen 40 jastaǵy er adam qamaýǵa alyndy, dep habarlaıdy QazAqparat tilshisi.

Almaty oblystyq polıtsııa departamentiniń málimetinshe, tergeý barysynda kúdiktiniń qyzdyń ápkesin de zorlaýǵa qatysy bar ekeni anyqtaldy.

«Kúdiktiniń áıeli de qamaýǵa alyndy. Saraptamalyq tekserýler taǵaıyndalyp, búkil qajetti tergeý áreketteri júrgizilip jatyr. Іsti tergeý oblys polıtsııa departamenti bastyǵynyń erekshe baqylaýynda»,- dep habarlady vedomstvodan.

QR Qylmystyq-protsestik kodeksiniń 201-baby negizinde tergeý múddesin sáıkes sotqa deıingi tergep-tekserýdiń ózge de derekteri jarııa etýge jatpaıdy.

Eske sala keteıik, keshe kishkentaı qyzdy zorlady degen kúdikpen Almaty oblysynda er adam ustalǵan edi. 

Sondaı-aq áleýmettik jelide anasymen birge turatyn er adam bir emes, eki qyzdy da zorlaǵany týraly aqparat tarady.