Almaty oblysynda eki qylmystyq top ustaldy
ASTANA. KAZINFORM – Almaty oblysynyń Qarasaı jáne Uıǵyr aýdandarynda polıtsııa qyzmetkerleri eki qylmystyq topty ustady.
Qaskóılerdiń aldyn ala daıyndalǵan tásilmen áreket etkeni anyqtaldy: olar dalaly aımaqta erkin jaıylyp júrgen qaraýsyz maldy tańdap, olardy jaqyn mańdaǵy trassalarǵa aıdap, sol jerde kútip turǵan júk kóligine tıegen.
Odan keıin urlanǵan maldy kórshiles aýdandarǵa tasymaldap, jergilikti turǵyndarǵa satqan. Qazirgi ýaqytta ustalǵandardyń 7 mıllıon teńgeden astam somaǵa baǵalanǵan 69 bas usaq maldy, sondaı-aq shamamen 20 mıllıon teńge turatyn 43 bas iri qarany urlaýǵa qatysy bary dáleldendi. Barlyq kúdikti qamaýǵa alyndy.
— Qazaqstan Respýblıkasynyń zańnamasyna sáıkes mal urlaǵany úshin múlki tárkilenip, 12 jylǵa deıin bas bostandyǵynan aıyrý jazasy qarastyrylǵan. Aýyl sharýashylyǵy janýarlarynyń ıelerin qaýipsizdik máseleseni erekshe nazar aýdarýǵa shaqyramyz: maldy tańbalaý jumystaryn júrgizip, múmkindiginshe jaıylymdy baqylaýdy qamtamasyz etý qajet, — dedi ІІM.
Aıta ketelik Túrkistan oblysynda 1 myń maldy zańsyz shekara asyrmaq bolǵan top ustalǵan edi.
